Í brælu við Elliðavatn

Það mætti halda að við Sigga værum flutt upp að Elliðavatni, nei - reyndar skrapp ég þangað uppeftir til að sækja gítarinn minn sem ég skildi þar eftir í gær. Þar var sest niður við vöflukaffi og fastaliðið var mætt. Þar áttum við góða stund og bar margt á góma. Mikið var rætt um að það þyrfti að stækka húsnæðið þar uppfrá en eins og gefur að skilja þá komast ekki margir fyrir á 16 fermetrum og tala nú ekki um ef viðkomandi eru í hjólastól. Ég man ekki eftir því að hafa komið uppeftir áður og séð aðra eins brælu á vatninu og núna. Það var samt sæmilega hlýtt ekkert yfir því að kvarta.