Leiðindar vika

Mikið óskaplega var síðasta vika eitthvað óspennandi. Nákvæmlega ekkert að gerast. Ég byrjaði að finna fyrir kvefpest um miðja síðustu viku og hef legið eins og skata síðan á föstudagskvöld. Nú er farið að rofa til og ætti ég því að öllu forfallalausu að komast til vinnu á morgun.
Það fór ekki eins og til stóð að ég færi til vinnu "á morgun" eins og ritað var hér að ofan, mér var skipað að hafa mig hægan það sem eftir var vikunnar til þess að mér slægi ekki niður aftur.