Er að fara í fríið

Var ég ekki að bulla eitthvað um veikindi hér síðast. Þau eru sem betur fer búinn. Reyndar er ég með einhverja slæmsku í hægra hné, þannig að ég geng við tvær hækjur núna. Hún systir mín sagði hér á blogginu "drífðu þig til læknis", ég er búinn að því og ekkert á því að græða nema verkjalyf. Já ég skrölti sem sagt um á fjórum. Ég læt það ekkert stoppa mig, fer út til Þýskalands í fyrramálið og verð burtu í hálfan mánuð.
Allar horfur eru því á að ekkert verði bloggað á næstunni, nema ég komist í tölvu þarna úti þá gæti það vel verið að ég geri það.
Það var búið að skrifa um þessa ferð hér áður þannig að ég er ekkert að tyggja það upp aftur. Næsti hálfi mánuður verður notaður í algjöra afslöppun - ekki hugsað um neitt nema sjálfan sig (andsk... sjálfelska er þetta).